24 Sano kadib, Safaaraddii Somalia ee Mareykanka oo dib loo furay {Sawirro}

 Axmed Ciise Cawad, Safiirka Somalia ee dalka Mareykanka ayaa xaqiijiyay in dib loo furay 24 Sano kadib Safaaradii Somalia ee Magaalada Washington.

Dib u howlgelinta Safaaradda Somalia ee Washington ayaa waxay Albaabada u furaysaa Xiriirka Labada dalka {Mareykanka & Somalia) oo Hakad ku jiray tan iyo Burburkii Dowladda Dhexe ee dalka.

Mareykanka ayaa si rasmi ah u aqoonsaday Dowladda Federaalka Soomaaliya January 2013, kadib markii uu Madaxweyne Xasan Sheekh Aqalka Cad kula kulmay Barack Obama.