JAWAARI OO SI DIIRAN LOOGU SOO DHAWEEYAY MAGAALADA DHUUSAMAREEB (DAAWO SAWIRADA)

JAWAARI OO SI DIIRAN LOOGU SOO DHAWEEYAY MAGAALADA DHUUSAMAREEB (DAAWO SAWIRADA)

Afhayeenka Baarlamaanka waxaa wehliya Guddoomiye ku xigeenka Labaad ee Golaha Shacabka Mudane Mahad Cabdalla Cawad, 25 Xildhibaan oo ka tirsan Baarlamaanka Federaalka Soomaaliya iyo Xildhibaano ka tirsan baarlmaanka Galmudug waxaana garoonka diyaaradaha magaalada Dhuusamareeb kusoo dhaweeyey qeybaha kala duwan ee bulshada iyo mas’uuliyiinta Ahlu Suna Wal Jamaaca ee gobollada Dhexe.

Xildhibaano ka tirsan Baarlamaanka Federaalka Soomaaliya oo ka hadlay munaasabad soo dhaweyn aheyd oo wafdiga loogu sameeyey xarunta Madaxtooyada ee magaalada Dhuusamareeb ayaa u mahad celiyey shacabka
iyo maamulka halkan sida ay usoo dhaweeyeen waxaana dhanka kale ay Xildhibaanadu tilmaameen in loo baahan yahay nabad iyo dib u heshiisiin dhab ah.

Sheekh Maxamed Shaakir oo ka mid ah hogaanka Culumaa’udiinka Ahlu Suna Wal Jamaaca ee gobollada Dhexe oo munaasabadda ka hadlay ayaa uga mahad celiyey Guddoomiyaha Baarlamaanka iyo Wafdigiisa sida ay u
aqbaleen marti qaad ay u fidiyeen waxaana uu dhanka kale tilmaamay iney soo dhaweynayaan wafdiga wax walba oo ay u keenaana ay diyaar u yihiin.

Guddoomiye ku xigeenka Labaad ee Golaha Shacabka Jamhuuriyadda Federaalka Soomaaliya Mudane Mahad Cabdalla Cawad oo munaasabadda hadal kooban ka jeediyey ayaa ugu horeyn yiri “maanta waa maalin
taariikhi ah, uma ahan taariikhi in aan Dhuusomareeb nimid laakiin waxey ku tahay in nin meel ku oodan oo aan u nimid inaan shacabkiisa la heshiisiino uu na cambaareeyo, waxa aan u nimid inaan dhageysano cabashadiina maadaama aad tihiin shacabka aynu metelno” .

Guddoomiyaha Baarlamaanka Federaalka Soomaaliya Mudane Maxamed Sheekh Cusmaan “Jawaari” oo gebagebadii jeediyey Khudbaddii ugu dambeysay ayaa u mahad celiyey maamulka iyo shacabka gobollada dhexe sida ay u soo dhaweeyeen wafdigiisa waxaana uu yiri “ waxaan ahay ergey uu soo diray Madaxweynaha Soomaaliya, nabadda iyo midnimadda Umadda Soomaaliyeed marna gor gortan kama galeyno waxaa la joogaa xiligii isku tanaasulka waxaana codsaneynaa inaad nabadda nagu raacdaan, dowladda diyaar ayey idiin tahay” .

Guddoomiyaha Golaha Shacabka Jamhuuriyadda Federaalka Soomaaliya iyo wafdiga ballaaran ee uu hogaaminayo oo caawa ku hooyan doona magaalada Dhuusamareeb ee xarunta gobolka Galgaduud ayaa kulammo la qaadan doona qeybaha kala duwan ee bulshada iyo maamulka Ahlu Suna ee gobollada dhexe.





thumbnail Title: JAWAARI OO SI DIIRAN LOOGU SOO DHAWEEYAY MAGAALADA DHUUSAMAREEB (DAAWO SAWIRADA)
Posted by:galmada Net
Published :2016-01-09T03:00:00+07:00
Rating: 3.5
Reviewer: 5 Reviews
JAWAARI OO SI DIIRAN LOOGU SOO DHAWEEYAY MAGAALADA DHUUSAMAREEB (DAAWO SAWIRADA)



share this article to: Facebook Twitter Google+ Linkedin Technorati Digg
Posted by galmada Net, Published at January 09, 2016 and have 0 comments