Muuqaal: Sacuudiga oo dhibaato xoog leh ku bilowday Soomaalida dalkaas ku nool

Muuqaal: Sacuudiga oo dhibaato xoog leh ku bilowday Soomaalida dalkaas ku nool

 Dowladda Sacuudiga ayaa culeys weyn saartay muwaadiniinta Soomaaliyeed ee ku nool gudaha Sacuudiga.

Sacuudiga ayaa bilowday inay guud ahaan ajaanibta ku nool dalkaas kusoo rogto lacag laga qaadayo bil kasta, taasoo lagu sheegay inay tahay mid looga qaadayo daganaanshaha halkaas.

Haddaba arrintaan ayaa saameyn weyn ku yeelatay muwaadiniinta Soomaaliyeed ee halkaas qoysaska ku heysto kana shaqeysto.

Dowladda ayaa amartay in qof kasta oo ajnabi ah oo ku nool Sacuudiga laga qaado lacag Dollar ahaan u dhaxeyso 25 ilaa 30 Dollar, oo laga rabo qofka weyn iyo midka yar.

Lacagtaas ayaa laga doonayaa inay dadka u bixiyaan qaab sanad ahaan, tusaale ahaan haddii aad Soomaali tahay isla markaasna aad tagan tahay dalka Sacuudiga oo aadna heysato 10 Caruur, qoyskaagana uu guud ahaan ka kooban yahay 12, waxaa qof kasta laga rabaa 30 Dollar, taasoo sanadkii noqoneyso lacag gaareyso ilaa 4,320 (Afar Kun Seddex Boqol iyo Labaatan Dollar).

Haddaba dadka Soomaalida ayaa bilaabay inay dacwadood dowladda usoo mariyaan baraha Bulshada, gaar ahaan Facebook, si wax looga qabto culeyska soo wajahay.


Halkaan hoose ka daawo aabe Soomaaliyeed oo ka hadlayo dhibaatada ku heysato dalka Sacuudiga.
thumbnail Title: Muuqaal: Sacuudiga oo dhibaato xoog leh ku bilowday Soomaalida dalkaas ku nool
Posted by:galmada Net
Published :2017-07-28T01:00:00+07:00
Rating: 3.5
Reviewer: 5 Reviews
Muuqaal: Sacuudiga oo dhibaato xoog leh ku bilowday Soomaalida dalkaas ku nool



share this article to: Facebook Twitter Google+ Linkedin Technorati Digg
Posted by galmada Net, Published at July 28, 2017 and have 0 comments